Kiben, Ayisyen, Nikaragweyen, Venezyelyen, ak Kolonbyen nan Ekwatè nan dat oswa anvan 18 Oktòb 2023

Èske ou deja gen yon aplikasyon an pwogrè?

Fè yon demann evalyasyon pou Movilidad Segura.

Aplikasyon sou entènèt pou inisyativ Safe Mobility yo sispann pou kounye a.

Tanpri sonje ke, akòz gwo kantite aplikasyon yo ap trete kounye a, nou mete yon sispansyon pwograme pou nouvo aplikasyon yo.

Tanpri tcheke paj la ankò pou mizajou.

Si ou deja fè yon aplikasyon pou pwogram sa a, ou pa bezwen aplike ankò.

Nou pral itilize menm pwosesis ou te kòmanse a pou revize aplikasyon ou a, kèlkeswa lè ou te aplike a.

Tanpri sonje ke tout sèvis ki ofri pa pwogram ‘Mobilite Sekirize’ an se gratis.

Ki moun ki kapab patisipe epi kijan?

Elijibilite: Sitwayen Kiben, Ayisyen, Nikaragweyen, Venezyelyen, ak Kolonbyen ki te nan Ekwatè nan dat oswa anvan 18 Oktòb 2023, epi ki, nan moman aplikasyon an, satisfè youn nan de kritè sa yo:

• Moun ki te aplike nan pwosesis regilarizasyon Ekwatè.

OSWA 

• Moun ki ap chèche azil ak refijye ki te anrejistre nan Ekwatè anvan 18 Oktòb 2023 a.

Ranpli fòm gratis sou entènèt la pou soumèt aplikasyon ou ak resevwa enfòmasyon sou wout legal pou vwayaje rive Etazini.

Tanpri sonje ke pa fwa fòm sou entènèt la ka fèmen tanporèman. Si fòm lan fèmen lè ou eseye aplike, ou ka soumèt aplikasyon ou lè fòm lan tounen aktif ankò.

Vizite sit entènèt MovilidadSegura.org souvan pou ou ka voye aplikasyon ou a.

Nou pral revize aplikasyon ou a pou nou detèmine si ou satisfè kondisyon pwogram lan. Nou pral kontakte ou, epi ou ka envite pou yon entèvyou an pèson nan Biwo Mobilite Sekirize an Ekwatè.

Tanpri sonje ke tout desizyon final sou antre nan Etazini se otorite nasyonal Etazini ki pran yo.

Tout sèvis ki gen rapò ak Pwogram ‘Mobilite Sekirize’ an se gratis, epi pèsonn pa gen dwa mande ou anyen an retou. Ou sipoze repouse tout demann yo fè w pou ou peye pou fè pati de pwogram sa a.

Considere enfòmasyon ki anba a

Sonje byen ke “Safe Mobility” se yon pwosesis ki gen plizyè etap, se pa tout dosye ki ap kalifye epi pa gen okenn garanti ke wap kapab re-enstale nan yon lòt peyi. Pandan w ap rete nan Ekwatè, epi pandan tout pwosesis ou avèk Safe Mobility, li rekòmande pou ou kontinye aktivite ekonomik regilye ou yo epi kontinye konsantre sou entegrasyon lokal ou nan peyi a. Sa vle di:

• Enskri pitit ou nan sistèm edikatif la, epi asire ke yo ale regilyèman nan yon enstitisyon edikatif.
• Kouvri depans lojman ak manje pou ou menm ak fanmi ou.
• Si ou nan yon pwosesis azil oswa nan yon pwosesis regilarizasyon, tanpri kontinye ak pwosesis sa a. Pa abandone oswa renonse ak dosye ou a.

Nou rekòmande pou ou eksplore resous yo ki afiche anba a pou plis enfòmasyon sou entegrasyon lokal, aksè nan dwa ak sèvis yo, ak kontak òganizasyon k ap travay sou entegrasyon ou nan Ekwatè.

• Tramites de Protección International
• ACNUR Ayuda Ecuador
• Integración local: Educación, salud, alimentación, trabajo y otros servicios – ACNUR Ecuador (unhcr.org)
• Contactos de organizaciones – ACNUR Ecuador (unhcr.org)
• OIM Ecuador
• OIM Centro Amor
• R4V Ecuador